चितवन । प्रतिनिधि सभा निर्वाचन नजिकिँदै गर्दा चितवन क्षेत्र नं. ३ मा राजनीतिक माहोल तीव्र बन्दै गएको छ। यसपटकको चुनावमा राष्ट्रिय स्वतन्त्र पार्टी (रास्वपा) की उम्मेदवार सोबिता गौतम परिवर्तनको सशक्त प्रतीकका रूपमा देखिन थालेकी छन्। पछिल्ला दिनहरूमा बढ्दो जनसमर्थन, उत्साहजनक सहभागिता र युवामुखी अभियानका कारण उनको जित्ने सम्भावना प्रबल बन्दै गएको राजनीतिक विश्लेषकहरूको ठम्याइ छ।
इमानदार छवि, स्पष्ट एजेन्डा
युवा, शिक्षित र निर्भीक नेतृत्वको परिचय बनाएकी सोबिता गौतमले चितवन–३ मा सुशासन, पारदर्शिता र जवाफदेही राजनीतिलाई केन्द्रमा राखेर चुनावी अभियान अघि बढाइरहेकी छन्। पुराना दलहरूको दशकौँदेखिको अभ्यासले जनतामा पैदा गरेको निराशालाई उनले “नयाँ सोच र नयाँ काम” बाट चिर्ने प्रतिबद्धता जनाउँदै आएकी छन्।
महिला र युवाको बलियो साथ
यस निर्वाचनमा महिला, युवा र पहिलोपटक भोट हाल्ने मतदाताको उल्लेख्य समर्थन सोबिता गौतमतर्फ देखिएको छ। घरदैलो अभियानदेखि खुला भेटघाटसम्म उनको उपस्थितिले महिलाहरूलाई बोल्ने हिम्मत र युवालाई राजनीतिमा हस्तक्षेप गर्ने ऊर्जा दिएको स्थानीयहरू बताउँछन्।
“हामीलाई भाषण होइन, इमानदार काम चाहिएको हो” भन्ने मतदाताको आवाज सोबिताको अभियानमा स्पष्ट देखिन्छ।
चितवन–३ का मुद्दामा केन्द्रित अभियान
सोबिता गौतमले चितवन–३ का वास्तविक समस्या—
गुणस्तरीय शिक्षा र स्वास्थ्य सेवा
रोजगारी र स्थानीय उद्यम प्रवर्द्धन
भ्रष्टाचारमुक्त विकास
महिला सुरक्षाः सम्मान र अवसर
पारदर्शी स्थानीय पूर्वाधार विका जस्ता विषयलाई प्राथमिकतामा राख्दै व्यवहारिक र परिणाममुखी राजनीति गर्ने स्पष्ट खाका प्रस्तुत गरेकी छन्।
बढ्दो भीड, बदलिँदो सन्देश
पछिल्ला दिनहरूमा आयोजित सभाहरूमा अपेक्षाभन्दा बढी जनसहभागिता देखिनु, सामाजिक सञ्जालमा बढ्दो सकारात्मक प्रतिक्रिया र स्वतन्त्र मतदाताको झुकावले चितवन–३ मा नतिजा उल्टिन सक्ने संकेत देखिएको छ। राजनीतिक वृत्तमा अब सोबिता गौतमलाई ‘कडा प्रतिस्पर्धी’ होइन, ‘संभावित विजेता’ का रूपमा हेरिन थालिएको छ।
लामो समयदेखि उही अनुहार र उही शैलीको राजनीतिबाट आजित बनेका चितवन–३ का मतदाताले यसपटक नयाँ, इमानदार र जवाफदेही नेतृत्व खोजिरहेका छन्। यही चाहनाको केन्द्रमा उभिएकी छन्— सोबिता गौतम।
सबै सूचकहरू हेर्दा, चितवन–३ मा उनको जित्ने सम्भावना प्रबल बन्दै गएको स्पष्ट देखिन्छ।
