डडेल्धुरा — नेकपा एमाले डडेल्धुरा प्रचार विभाग प्रमुख सुन्दर जैरुका अनुसार प्रतिनिधिसभा सदस्यका उम्मेदवार चक्रप्रसाद स्नेहीलाई विजयी गराउने लक्ष्यसहित देउवासहित करिब एक दर्जन नेता तथा कार्यकर्ता एमालेमा प्रवेश गरेका छन्।
विशेषगरी गन्यापधुरा गाउँपालिका–३ मा देउवाको उल्लेखनीय प्रभाव रहेको बताइन्छ। उनको प्रवेशसँगै स्थानीय राजनीतिक समीकरणमा नयाँ सन्तुलन सिर्जना हुने तथा आगामी निर्वाचन प्रतिस्पर्धा थप तीव्र बन्ने आँकलन गरिएको छ।
एमाले प्रवेश गरेका देउवालाई एमाले जिल्ला कमिटी अध्यक्ष गजेन्द्र शाही, प्रतिनिधिसभा उम्मेदवार चक्रप्रसाद स्नेहीलगायत नेताहरूले स्वागत गरेका थिए। कार्यक्रममा पार्टीले नयाँ सदस्यहरूको योगदानले संगठन सुदृढ हुने विश्वास व्यक्त गरेको थियो।
स्थानीय स्तरमा यस घटनालाई आगामी निर्वाचनको सन्दर्भमा अर्थपूर्ण रूपमा हेरिएको छ। कांग्रेसबाट लामो समय सक्रिय भूमिका निर्वाह गरेका देउवाको निर्णयले डडेल्धुराको राजनीतिक समीकरणमा कस्तो प्रभाव पार्छ भन्ने विषयमा सर्वत्र चासो बढेको छ।
