चितवन, फेब्रुअरी १०, २०८२ – चितवन क्षेत्र नम्बर २ बाट प्रतिनिधि सभा निर्वाचनमा उम्मेदवार बन्ने घोषणा गरेकी मीनाकुमारी खरेल सामाजिक न्याय र महिला तथा बालबालिकाका अधिकारका क्षेत्रमा तीन दशकदेखि सक्रिय रहेकी समाजसेवी हुन्।
सानैदेखि छोरी र छोराबीच हुने विभेद र अन्य सामाजिक अन्यायका अनुभवले उनलाई युवावस्थादेखि सामाजिक कार्य र राजनीतिमा संलग्न हुन प्रेरित गरेको उनले बताएकी छन्। २०५४ सालको स्थानीय निकाय निर्वाचनमा वडा सदस्य बनेर जनप्रतिनिधिको रुपमा काम गर्न सुरु गरेकी मीनाले आफ्नो अनुभवबाट समुदाय तहमा देखिएका हिंसा, विभेद र सामाजिक समस्यालाई नीति र कानुनी रुपमै समाधान गर्न आवश्यक भएको महसुस गरेकी हुन्।
सामाजिक सवालमा तीन दशकदेखि सक्रिय रहँदै आएको मीनाकुमारी खरेलले महिला तथा बालबालिकामाथि हुने हिंसा, विभेद र अन्यायविरुद्ध निरन्तर आवाज उठाउँदै आएका छन्। उनलाई सानैदेखि देखेका चुनौती र अनुभवले युवावस्थादेखि सामाजिक अभियान र राजनीतिक नेतृत्वमा प्रवेश गराएको बताइन्छ।
सोमवार, सन्धानका तर्फबाट सरिता पौडेलसँगको सम्पादित अडियो कुराकानीमा मीनाले आफ्नो सामाजिक तथा राजनीतिक यात्राका अनुभव, उद्देश्य र आगामी निर्वाचनमा सहभागिताका रणनीतिहरूबारे चर्चा गरेकी छन्।
मीनाकुमारी खरेलको उम्मेदवारीले चितवन–२ मा महिला नेतृत्व र सामाजिक न्यायको एजेन्डालाई केन्द्रमा राख्ने अपेक्षा गरिएको छ।
