रामेछाप । प्रतिनिधिसभा निर्वाचन नजिकिँदै जाँदा रामेछापमा ‘आँखा’ चुनाव चिन्हका पक्षमा अभियान तीव्र पारिएको छ। उम्मेदवार वीरेन्द्र श्रेष्ठ ले सामाजिक सञ्जालमार्फत शुभबिहानी सन्देश दिँदै वीर सहिदप्रति श्रद्धाञ्जली अर्पण गरेका छन् र सहिदहरूको सपना पूरा गर्न मतदातालाई आग्रह गरेका छन्।
उनले निर्वाचनमा अब मात्र छ दिन बाँकी रहेको उल्लेख गर्दै ‘आँखा’ चिन्हमा मतदान गर्न अपिल गरेका छन्। विकास, रोजगारी सिर्जना र समुदाय–केन्द्रित नेतृत्वको प्रतिबद्धता दोहोर्याउँदै श्रेष्ठले आफ्नो अभियानलाई तीव्र बनाएका छन्।
रामेछापका विभिन्न स्थानमा घरदैलो, भेटघाट तथा अन्तरक्रिया कार्यक्रममार्फत मतदातासँग प्रत्यक्ष संवाद भइरहेको बताइएको छ। समर्थकहरूका अनुसार ‘आँखा’ चिन्हप्रति आकर्षण बढ्दो छ र चुनावी माहोल थप सक्रिय बन्दै गएको छ।
निर्वाचन मिति नजिकिँदै जाँदा रामेछापमा राजनीतिक सरगर्मी बढेको छ। यसबीच वीरेन्द्र श्रेष्ठको सन्देशले समर्थकहरूलाई उत्साहित बनाएको र मतदान दिनसम्म अभियान अझ सशक्त बनाइने जनाइएको छ।
