काठमाडौं – “नयाँ दिन केवल सूर्योदय मात्र होइन, यो हाम्रा सपनाहरूलाई पछ्याउने नयाँ अवसर पनि हो।”
यही प्रेरणादायी सन्देशसहित मणीराम फुयालले काठमाडौं क्षेत्र नम्बर २ का मतदातामाझ आफ्नो प्रतिबद्धता दोहोर्याएका छन्।
नेपाल कम्युनिस्ट पार्टी (एमाले)का नेता तथा काठमाडौं–२ का उम्मेदवार फुयालले समृद्ध, सुरक्षित र अवसरयुक्त काठमाडौं निर्माण आफ्नो प्राथमिकता रहेको बताएका छन्। उनले युवालाई रोजगारी, व्यवस्थित सहरी पूर्वाधार, शिक्षा र स्वास्थ्य सेवामा पहुँच विस्तार गर्ने योजना सार्वजनिक गर्दै “अब भाषण होइन, परिणाम देखाउने समय आएको” उल्लेख गरे।
फुयालका अनुसार काठमाडौं–२ लाई व्यवस्थित सडक सञ्जाल, स्वच्छ खानेपानी, प्रभावकारी फोहोर व्यवस्थापन र आधुनिक सार्वजनिक सेवातर्फ उन्मुख गराइनेछ। “हामीसँग सपना मात्र होइन, स्पष्ट कार्ययोजना छ,” उनले भने, “नयाँ पुस्ताको ऊर्जा र अनुभवी नेतृत्वको संयोजनबाट परिवर्तन सम्भव छ।”
उनले मतदातासँग घरदैलो अभियानमार्फत प्रत्यक्ष संवाद गरिरहेको जनाउँदै जनताको सुझाव र अपेक्षालाई आफ्नो चुनावी एजेण्डामा समेट्ने प्रतिवद्धता व्यक्त गरे।
काठमाडौं–२ मा प्रतिस्पर्धा तीव्र बन्दै जाँदा फुयालको यो सकारात्मक सन्देशले मतदातामाझ नयाँ आशा र बहस सिर्जना गरेको राजनीतिक विश्लेषकहरू बताउँछन्।
