गृहमन्त्री Sudan Gurung ले आज Valley Traffic Police Office को अनुगमन गरेका छन्। उपत्यकामा बढ्दो सवारी चाप, ट्राफिक व्यवस्थापन र सडक सुरक्षाको अवस्थाबारे प्रत्यक्ष जानकारी लिन उनले कार्यालयको निरीक्षण गरेका हुन्।
अनुगमनका क्रममा गृहमन्त्री गुरुङले ट्राफिक व्यवस्थापनलाई थप प्रभावकारी बनाउन आवश्यक सुधारका उपायहरूबारे निर्देशन दिएका छन्। उनले आधुनिक प्रविधिको प्रयोग, ट्राफिक नियमको कडाइका साथ कार्यान्वयन र जनचेतना अभिवृद्धिमा जोड दिनुपर्ने बताएका छन्।
त्यस अवसरमा ट्राफिक प्रहरी अधिकारीहरूले हालको चुनौती, स्रोत–साधनको अभाव तथा व्यवस्थापन सुधारका लागि आवश्यक पहलका विषयमा गृहमन्त्रीसमक्ष जानकारी गराएका थिए। गृहमन्त्री गुरुङले जनसुरक्षा र सहज आवागमन सुनिश्चित गर्न सरकार प्रतिबद्ध रहेको उल्लेख गरेका छन्।
28 March 2026
